ഓ. ഐ .സി യുടെ കീഴിലുള്ള ഫിക്ഹ് അക്കാദമിയുടെ പത്തൊമ്പതാമത് അന്താരാഷ്ട്ര സമ്മേളനം യു എ ഇ യിലെ ഷാര്ജയില് ചേര്ന്നപ്പോള് 60 രാജ്യങ്ങളില് നിന്നായി 200 പണ്ഡിതന്മാര് അതില് പങ്കെടുത്തു. പക്ഷെ അന്താരാഷ്ട്ര ഇസ്ലാമിക പണ്ഡിത വേദിയുടെ പ്രസിഡണ്ട് ആയ ശേഇഖ് യുസുഫുല് ഖര്ദാവി ക്ക് അതില് പങ്കെടുക്കാനായില്ല! അബു ദാബി രാജ കുടുംബത്തിന്റെ അനിഷ്ടം ആയിരുന്നു കാരണം എന്ന് പറഞ്ഞു കേള്കുന്നതായി വാര്ത്ത. കാര്യം മറ്റൊന്നുമല്ല, ഒരഭിമുഖത്തില് ഖര്ദാവി മഹാനായിരുന്ന യു എ ഇ പ്രസിഡണ്ട് ശേഇഖ് സായെദ് നെ കുറിച്ച് 'നിരക്ഷരനായിരുന്നിട്ടു കൂടി ഒരു ഏകീകൃത ആധുനിക രാഷ്ട്രം അദ്ദേഹം കെട്ടിപ്പടുത്തു' എന്ന് പറഞ്ഞത് അവര്ക്ക് പിടിച്ചില്ലത്രേ! ഇതെന്തൊരു പുകില്! സാക്ഷാല് അല്ലാഹുവിന്റെ പ്രവാചകനായ മുത്ത് നബിയെ (സ) കുറിചു 'നിരക്ഷരനായ പ്രവാചകന്' എന്ന് പറയുന്നത് നബിയോടുള്ള അനിഷ്ടം കൊണ്ടാണോ? പിന്നെന്തിനീ വിലക്കും പുലക്കും? ദുരഭിമാനം എന്നല്ലാതെ എന്താ പറയാ? അതിലേറെ സങ്കടം ഖര്ദാവിയെ വിലക്കിയ സഭയില് വിലക്കിയവരുടെ നാട്ടില് തന്നെ വെച്ച് അതില് പങ്കെടുക്കാന് ബാകി 200 പണ്ഡിതന്മാര് എത്തിയല്ലോ എന്നതാണ്!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ